*Haya kya hai........jab nazar uthna chahe par uth na paye

*mohabbat kya hai......jab koi na chahte hue bhi yaad aaye

*Dosti kya hai........... jab poori duniya dushman ho jaye par fir bhi wo sath nibhaye

*dushmani kya hai........jab kisi ki surat se bhi nafarat ho jaye

*irshya kya hai........jab kisi ki tarif se hi man jal jaye

*tapsya kya hai...........jab din aur raat ka anter khatm ho jaye

*jivan kya hai..........jo mar ke bhi amar ho jaye

*mratyu kya hai.............jab koi ji kar bhi kisi ko yaad na aaye

*samman kya hai..............jab kisi ke samne sar khud b khud jhuk jaye

*ada kya hai......................jise dekh kar waqt tham jaye

*safalta kya hai.............jab kuchh pane ke baad koi or namra ho jaye

*haar kya hai.................jab koi apna sath na nibhaye

*jeet kya hai.................jab ek anjan bhi sath nibhaaye 

                                                                                       k...

this is my journey's second one.........

AAJ MERI JINDAGI ME KOI KAMI SI HAI………………

Aaj meri ankhon me ek nami si hai, sab kuchh hai mere paas par meri jindagi me ek kami si hai
Palkon ke anchal pe teri yadon ki dhul jami si hai, sab kuchh hai mere paas par meri jindagi me ek kami si hai
Koi hai jo har baar yaad ata hai,paas hote hue bhi mujhse mil nahi pata hai,najdikiyan bhi duriya lagne lagti hai jab koi paas hokar bhi dur ho jata hai,
Usaki ek hansi pe tham jati thi meri duniya par aaj uski us hansi ke bina meri duniya thami si hai, sab kuchh hai mere paas par meri jindagi me ek kami si hai
Un dino ke jab tum the yaha jindagi jagi-jagi si thi,sare mausam mehrabaan dost the,
raste dawat name the jo manjilon ne likhe the humare liye,ped bahen pasare khade the,hume chhanv ki shaul pahnanae ke waste
sham ko sare sitare bahot muskurate the jab dekhte the hume,ati-jati havayen koi geet khushbu ka gati hui,chhedti thi gujar jati thi,
aasman pighale nilam ka ek talab tha jisame har raat ek chand ka phool khilta tha aur pighale nilam ki lahron me bahta hua humare dil ke kinaro ko chhu leta tha
Un dino ke jab tum the yaha,
Ashko me jaise dhul gaye sab muskurate lamhe,raste me thak ke so gai masum si umange,
dil hai ki fir bhi khwab sajane ka shouk hai,patthar pe bhi gulab ugane ka shouk hai,
barso se yu to ek amavas ki raat hai,ab usako housla kahu ya jid ki baat hai,
dil kahta hai andhere me bhi roshni to hai,mana ke raakh ho gaye ummid ki alaav, iis raakh me bhi aag kahi par dabi si hai…..
sab kuchh hai mere paas par meri jindagi me ek kami si hai…
k…..

my first poem...
“EK AANSOO………………”
“THIS IS MY FIRST EVER………………..”


MERI AANKH SE BAHTE HUE EK AANSOO NE ROKER MUJHSE KAHA ,
KYU TU MUJHE VYARTH ME BAHATA HAI……,KYU TU CHAH KAR BHI MUJHE APNI AANKHON ME NAHI ROK PATA HAI,
   
ITNA BABUS TO TU KABHI NA THA,
AB TO EK HAWA KE JHONKE SE HI SAHAM JATA HAI AUR TU CHAH KAR BHI MUJHE APNI AANKHON ME NAHI ROK PATA HAI……………

KABHI NAHI THI TUJHE MERI ITANI PARVAH,
NAHI DEKHI THI MAINE KABHI TERI AANKHON SE YE DUNIYA,
PAR AB TU MUJHE BINA ROKE BAHATA HAI AUR TU CHAH KAR BHI MUJHE APNI AANKHON ME NAHI ROK PATA HAI………..

JISKI CHAH ME TU MUJHE APNI AANKHON SE BAHATA HAI,SHAYAD WO TO YE KABHI SAMAJH HI NAHI PATA HAI KI TU USI KI YAAD ME MUJHE BEINTAHA BAHATA HAI AUR TU CHAH KAR BHI MUJHE APNI AANKHON ME NAHI ROK PATA HAI……

NAHI SAMJHEGA WO TERI BABASI AUR LACHARI KO,NAHI SAMJHEGA WO TERE ASHAAY MAN KO,TUJHE HI PINA HOGA APNE HAR GUM KO, 
NAHI JANTA WO MERE MOL KO,KASH ME USE APNA MOL BATA PATA AUR WO TUJHE SAMAJH JATA,NA HI TU MUJHE VYARTH ME BAHATA AUR ME TERI AANKHON ME MAHFUJ RAH PATA……………
MERE AANKH SE BAHTE HUE EK AANSOO NE……………….


K......