Sab ke jahan me jab sawal ata hai ki pahle kise yaad kiya jaye Bhagwaan ko,Guru ko ya Mata-Pita ko??
Mere najriye se Mata-Pita ko sabse pahle yaad kiya jana chahiye kyuki.............
Ma-Papa ek chhanv ki tarah hai jo hum pe ane wali dhukh ki dhup ko khud hi apne upar rok kar hume usase mahfooj rakhte hai.
Wo ek ehsaas hai jo kabhi humse dur nahi ho sakta. Wo kai baar hume apni problems nahi batate kyuki wo hume dukhi nahi dekh sakte hai.Par hum me se kitane hai jo apane mammi-papa ke liye sochte hai? Hum me se kitne unako ye ehsaas dilate hai ki,hum kabhi unko dukh nahi pahuchayenge ya unka sath kabhi nahi chhodenge?Shayad bahot kam hai jo apne mammi-papa ko ye ehsaas dilate honge.
Hum kabhi nahi sochte hai jab hum apne parents ko hurt karte hai,unki feellings ki kadar nahi karte hai,tab unki atma kitni roti hai,wo baar-baar yahi sochte hai ki unki parvarish me konsi kami rah gai jo aaj hum unko thodi si ijjat dene se bhi katrate hai. Mammi-Papa hume chalna sikhate hai,hume wo sab sikhate hai jisase hum apni ek alag pahchan bana sake,apna ek naam falak pe likh sake sirf isliye nahi ki hum kuchh ban ke unko bhul jaye balki isliye ki jab wo budhe ho jaye to hum unka hath thaam ke unko chala sake unake upar ek majboot chhat ban ke unki hifasat kar sake. Parents ke liye sabse khushi ka dina wo hota hai jab unka beta ya beti kuchh ban ke unake samne ata hai o kahta hai ki ab tak apane bahot kuchh diya par ab meri bari hai apke liye kuchh karne ki,apko kuchh dene ki. Mammi-Papa ke liye sabse dukhad lamha wo hota hai jab unka beta ya beti kahti hai ki unhone usake liye kiya hi kya hai. Hume koshish karni chahiye ki hum apne Mammi-Papa ko aisa din na dikhaye ki wo hume kabhi maaf na kar paye......
Ma ko sabse pehla guru kaha gaya hai kyuki jindagi ka pahla paath wahi hume padhati hai yani wo GURU se badi hai aur Pita hume duniya ki pahchan karata hai wahi batate hai ki hume kis raste pe chalna hai isliye wo bhagwan se bada hai......
yaha tak ki bhagwaan ki nazaro me bhi mata-pita se bada koi nahi hai kyuki wahi hai jo unhi ko ek madhyam banata hai hume duniyaa me bhejne ka...........
Isliye Bhagwan aur guru se pahle Mata-pita ko yaad kiya jana chahiye..
-----ASTU-----
